Винсент Компани ёш футболчининг танқидига жавоб қайтарди
Бавария ёш футболчиси Том Бисчоф жамоанинг ўйини, жумладан юқори прессинг тизимидаги муаммолар ва ҳимоядаги хатолар ҳақида танқидий фикрлар билдирди. Бунга жавобан бош мураббий Венсан Компани ёш шогирдининг сўзларига кескин муносабат билдириб, у интервюда хатога йўл қўйганини таъкидлади. Мураббийнинг тушунтиришича, асосий муаммо прессинг истагида эмас, балки тўпга эгалик қилишдаги тартибсизликда эканлигини айтди.
Вольфцбургдаги ғалабадан сўнг Бавария ёш футболчиси Том Бисчоф интервю берди, бироқ унинг жамоа ўйини ҳақидаги фикрлари бош мураббий Винсент Компанига маъқул келмади. Ёш ярим ҳимоячи жамоанинг юқори прессинг тизимида муаммолар борлигини ва тўп йўқотилгандан сўнг уни қайтариб олишда сусткашликка йўл қўйилаётганини таъкидлади. Бу ҳақда Goal.com хабар беради.
Бисчофнинг сўзларига кўра, жамоа прессинг туфайли кўп гол ураётган бўлса-да, ҳимояда жуда кўп хатоларга йўл қўймоқда ва бу ортиқча масофани босиб ўтишга мажбур қилмоқда. Унинг фикрича, Бавария сўнгги ўйинларда ҳимоявий тартибни сақлашда қийналмоқда.
Бироқ, Винсент Компани ёш шогирдининг бу танқидига кескин муносабат билдирди. Мураббий Бисчоф интервюда хатога йўл қўйганини таъкидлаб, муаммо прессинг истагида эмас, балки тўпга эгалик қилишдаги тартибсизликда эканлигини тушунтирди.
Компанининг сўзларига кўра, агар жамоа тўпни тез-тез йўқотса, доимий равишда прессинг уюштиришнинг иложи йўқ, чунки бу футболчиларнинг жисмоний ҳолатига салбий таъсир қилади. Мураббий иккинчи бўлимда Бавария назоратни қўлга олганини айнан тўп билан муомала қилишдаги яхшиланиш билан изоҳлади.
Изоҳлар 0
…