Volkswagen компаниясы Еуропа нарығы үшін жаңа әрі қолжетімді ID. Polo автокөлігін таныстырды.
Бұл туралы Ixbt.com хабарлайды.
Бұл модель бұрынғы дәстүрлі Polo автокөліктерінен мүлдем өзгеше, өйткені ол толықтай электромобиль болып табылады.
ID. Polo моделінің базалық нұсқасы 37 кВт/сағ сыйымдылықтағы батареямен және 114 ат күшіне ие электр қозғалтқышымен жабдықталған.
Бұл нұсқа негізінен қала ішінде күнделікті жүруге арналған. Қуатты 10 пайыздан 80 пайызға дейін толтыру шамамен 27 минут уақыт алады.
Оның бағасы 24 995 еуроны құрайды.
Ал қымбатырақ модификациясы 52 кВт/сағ сыйымдылықтағы батарея мен 211 ат күшіне ие қозғалтқышты қамтиды. Мұндай электромобиль WLTP циклі бойынша 454 шақырымға дейінгі қашықтықты жүріп өтуге мүмкіндік береді.
Бұл нұсқаның бағасы 33 795 еуро деп белгіленген.
Volkswagen сатып алушылардың сұранысын ескере отырып, сенсорлық басқарудан ішінара бас тартты. Жаңа ID.
Polo моделінде климаттық бақылау, апаттық дабыл және терезелерді басқару үшін физикалық түймелер қайтарылды. Бұл қадам пайдаланушыларға қолайлылық жасау мақсатында жүзеге асырылды.
“Zamin”-ді Telegram-нан оқыңыз!
