Өзбекстан АҚШ экономикасын қолдайды

АҚШ президенті Дональд Трамп Өзбекстанмен ынтымақтастық туралы мәлімдеме жасады. Трамп бұл тақырыпта Truth Social әлеуметтік желісінде пост жариялады.

АҚШ президенті Өзбекстанмен қол жеткізілген сауда-экономикалық келісімдерді "тамаша" деп атады. Оның сөзіне қарағанда, алдағы үш жыл ішінде Өзбекстан АҚШ экономикасына 35 миллиард доллар көлемінде қаржы құйып, өнімдер сатып алады.

Келесі 10 жыл ішінде бұл сома 100 миллиард долларға жетуі күтілуде. Инвестициялар негізгі салаларға бағытталады: маңызды минералдар, авиация, автокөлік қосалқы бөлшектері, инфрақұрылым, ауыл шаруашылығы, энергетика, ақпараттық технологиялар және басқа бағыттар.

Трамп қол жеткізілген келісімдер үшін Шавкат Мирзиёевке алғысын білдірді және ұзақ мерзімді ынтымақтастыққа үміт білдірді.