Әнші, актриса және блогер Хонзода Достова «Наво меҳмонда» бағдарламасында бренд киімдерге, бриллианттарға және алтын әшекейлерге аса қызықпайтынын ашық айтты.
Сұхбат барысында жүргізуші:
— «Тек бренд киім киетін өнер адамдарына қалай қарайсыз?» — деп сұрады.
Хонзода Достова былай деп жауап берді:
— «Дұрыс, өнер адамы әдемі әрі заманауи болып, бренд киім киюі керек. Қазір менің де уақытым келді, сәнді стильде, бренд киюіме болады».
Одан кейін жүргізуші тағы бір сұрақ қойды:
— «Бір бренд киім үшін бір көліктің бағасына тең ақшаны жұмсау дұрыс па?»
Хонзода бұл жөнінде нақты пікірін айтты:
— «Жоқ, бұл дұрыс емес. “Көрпеңе қарай көсіл” дейді ғой. Мысалы, қазір бір сөмке үшін 5 мың доллар жұмсауға ішім қимайды. Күніне 5 мың доллар табатын деңгейге жетсем, бәлкім сол кезде алармын. Бірақ мен үшін мұқтаж адамға көмектесу маңыздырақ. Сөмкесі жоқ адамға сөмке алып беріп, оны қуантқанды жақсы көремін. Әрине, бренд киім алғым келсе, мүмкіндігім бар, аламын. Бірақ кей отырыстарда блогерлер жиналып, бриллианттарын, алған сөмкелері мен киімдерін мақтайды. “Жақсы брендтен алдым” дейді, бірақ кейде сол сөйлеп отырған адам бір тиынға да тұрмайды. Көп ортада көрдім — әңгіме тек бриллиант туралы. Мұндай әңгімелер маған қызық емес. Мен шығармашылық әңгімелерден ләззат аламын. Сондықтан да көп отырыстарға бармаймын».
Сұхбат барысында Хонзода Достова жүргізушіден:
— «Мысалы, менің неше алтын жиынтығым бар деп ойлайсыз?» — деп сұрады.
Жүргізуші:
— «Білмеймін», — деп жауап берді.
Содан кейін әнші:
— «Менде үш алтын жиынтығы бар. Мұны өзімді төмендету үшін айтып отырғаным жоқ, жай ғана бұған қызықпаймын. Бір бриллиантым бар, оны да құрбыларым бала сүйгенімде сыйлаған», — деп қосты.
