Isha Ambani-ning Met Gala-dağı 24 million dollarlıq obrazı nazarda boldı

Азияның ең бай адамдарының бірі Мукеш Амбанидің қызы Иша Амбани биылғы Met Gala шарасында назар орталығында болды. Оның қымбат образы мен бірегей әшекейлері кештің ең көп талқыланған сәттерінің біріне айналды.

Мәлім етілгендей, Иша Амбани таққан зергерлік бұйымдардың жалпы құны шамамен 24 миллион долларды құрады.

Әшекейлерде 1800 караттан астам гауһар тас пен сирек кездесетін изумруд тастары пайдаланылғаны айтылуда. Сондай-ақ, ол киген көйлек те өзіндік ерекшелігімен көзге түсті.

Көйлек таза алтын жіптермен тоқылған, оны дайындауға 1200 сағаттан астам уақыт жұмсалған. Деректерге сәйкес, бұл образда қол еңбегі мен бірегей дизайнерлік шешімдерге ерекше назар аударылған.

Әлеуметтік желілерде Иша Амбанидің шығуы үлкен талқылауларға себеп болды.