Күтпеген нәтиже: бір көрпе тұтас Onix көлігінің сыртқы көрінісін өзгертіп жіберді!

Әндіжанда автокөлікті жаңбырдан қорғау әрекеті күтпеген нәтиже берді. Ақ түсті Onix көлігінің үстіне жабылған гүлді көрпе көлік кузовында із қалдырған.

Мәліметтерге қарағанда, нөсер жаңбыр кезінде жүргізуші алдымен көліктің үстіне гүлді көрпе жапқан. Кейін оның сыртынан арнайы тентпен бүркеген.

Жаңбыр тоқтағаннан кейін көлік бірден ашылмаған. Ішкі ылғал мен буланудың әсерінен көрпенің бояуы автокөліктің лак жабынына өтіп кеткен.

Нәтижесінде ақ түсті Onix көлігінің кузовында гүлді өрнекке ұқсас түрлі түсті іздер пайда болған. Видеодағы жағдай қолданушылар арасында тез тарап, түрлі пікірлер туғызды.

Кейбіреулер бұл оқиғаға әзілмен қараған. Ал басқалары көліктің үстін дымқыл көрпемен жабу қауіпті екенін, әсіресе ақ түсті машиналарда мұндай іздер анық көрінетінін атап өтті.