Родриго: "Эль-Класикода" "Барселонаға" қарсы өз сөзімізді айтамыз!

"Реал Мадридтің" жылдам вингері Родриго кезекті "Эль-Класико" алдында жанкүйерлерге сенім сыйлады. Оның айтуынша, өткен маусымдағы қателіктерден сабақ алған, енді команда өз алаңында толық күшпен жауап беруге дайын.

Бразилиялық футболшы өткен маусым туралы ашық айтты: "Ол кезді еске алудың қажеті жоқ. Біз жеткілікті күшті болмадық, әсіресе "Эль-Класикода." Біз төрт рет жеңіліс таптық - бұл факт. Қазір "Барселона" жақсы ырғақта, сенімді ойнап жатыр, бірақ бізде де керемет құрам бар."

Родриго кездесудің сценарийі ауыр болатынын мойындады, бірақ "Сантьяго Бернабеу" факторы шешуші болатынын айтты: "Бұл қиын ойын болады. Бірақ біз өз алаңымызда, өз жанкүйерлеріміздің алдында алаңға шығамыз. Жеңіске жету үшін нақты жоспарымыз бар, қалайда жеңуіміз керек - өйткені біз үйдеміз."

Ол сондай-ақ жеке мақсатын да жасырмады: "Корольдік клубқа келген әрбір футболшы Чемпиондар лигасында жүлде алып, "Барселонаға" шешуші гол соғуды армандайды. Мен де соған тырысамын."

Ақпарат үшін, биылғы маусымдағы алғашқы "Эль-Класико" 26 октябрь күні өтеді. "Бернабеуде" болып жатқан қақтығыс Родриго мен командаластары үшін өткен маусымдағы жағымсыз естеліктерге лайықты нүкте қоюға мүмкіндік болады.