Дембеле еңбекақысын көтеруді талап етуде

Франциялық шабуылшы Усман Дембеле "ПСЖ" командасында өнер көрсетуде және жуырда "Алтын доп" жүлдесін жеңіп алғаннан кейін табысын арттырғысы келуде, деп хабарлады Euro-football.ru.

L’Équipe басылымының мәліметінше, қазір Дембеленің жылдық жалақысы 18 миллион еуроны құрайды. Оның клубпен қолданыстағы келісімшарты 2028 жылға дейін жарамды. Дегенмен, соған қарамастан, тараптар жаңа келісімшарт жөнінде келіссөздерді бастап жіберген.

28 жастағы футболшы өзінің жаңа келісімшартында табысын көбейтуді қалайды. Ол бұл талабын "Алтын доп" иесі ретіндегі мәртебесімен негіздеуде. Биылғы маусымда ол 4 ойынға қатысып, 2 гол соққан және 2 голға пас берген. Келіссөздер алдағы күндері аяқталуы күтілуде.