Харри Магуайр АПЛ 8-турының ең үздік футболшысы атанды

“Манчестер Юнайтед” қорғаушысы Харри Магуайр Англия чемпионатының сегізінші турының ең үздік футболшысы болып танылды.

Магуайр жексенбі күні Премьер-лига аясындағы “Ливерпульге” қарсы ойында алаңда толық 90 минут өнер көрсетті. “Манчестер Юнайтед” қонақта 2:1 есебімен жеңіске жетті және ойынның соңғы минуттарында Магуайр жеңіс голын соқты.

Харри Магуайрдың қолданыстағы келісімшарты “Манчестер Юнайтедпен” 2025/2026 жылғы маусымның соңына дейін жасалған. Бұған дейін 32 жастағы футболшы келісімшартты ұзарту үшін жалақысын қысқартуға дайын екені туралы хабарлар тараған болатын.

Магуайр мансабы барысында бірнеше рет интернет мемдеріне себеп болды. Танымал футболшы Уэйн Руни оның қысым астында ойнауына таң қалғанын айтқан.