Патрис Эвра: "Ювентус"тағы құндылықтар өзгерді

Франциялық бұрынғы қорғаушы Патрис Эвра "Ювентус"тағы мәселелер туралы өз ойымен бөлісті. "Кәрі ару" қатарынан сегіз ойын бойы жеңіске жете алмады және осы нәтижеден кейін бас бапкер Игор Тудор отставкаға кетті.

"Бапкердің отставкасы — футболшылардың алаңда өз міндеттерін толық орындай алмағанының белгісі. Мұндай жағдай менімен бір-ақ рет болған, ол кезде "Манчестер Юнайтед" бас жаттықтырушысы Дэвид Мойесті жұмыстан босатқандарында ғана.

Ол күндер мен үшін өте ауыр өтті – үміттенемін, қазір "Ювентус" футболшылары да сондай сезімді басынан өткеріп жатыр. Егер сен "Ювентус" сапында ойнап жүрген болсаң, жауапкершілікті өз мойныңа алуың керек.

Мәселе мынада, қазіргі ұрпақ бұрынғыдай емес. Біз футболшы ретінде клуб үшін, тарих үшін, отбасымыздың игілігі үшін күшімізді сарп еттік.

Қазіргі кезде болса, футболшылардың назарын басқа нәрселер көптеп аударады. "Ювентус"-та да көп нәрсе өзгерген, бұрынғы қағидаттар өз күшін жоғалтқан", – деді Эвра Football Italia басылымына берген сұхбатында.

Белгілі болғандай, "Ювентус"-тың жаңа бас жаттықтырушысы ретінде Лучано Спаллетти тағайындалуы мүмкін. “Zamin”-ді Telegram-нан оқыңыз!