Энсо Мареска “Ювентус”ті басқармайды

Лондонның “Челси” клубының бас бапкері Энсо Мареска осы аптада хорват маманы Игор Тудормен қош айтысқан “Ювентус” командасын басқаруға бармайды. Daily Mail басылымының хабарлауынша, “қарт синьора” басшылығы “аристократтар” бапкеріне ресми ұсыныс жасаған жоқ.

Туриндік клубты басқаруға басты үміткер ретінде италиялық маман Лучано Спалетти қарастырылуда. Қазіргі уақытта “Ювентус” А Серияның тоғыз турынан кейін 15 ұпай жинап, турнир кестесінде жетінші орында тұр.

Турин клубы көшбасшы “Наполиден” алты ұпайға қалып келеді.