Спалетти - "Ювентус" бас бапкері

"Ювентус" клубының жаңа бас жаттықтырушысы ретінде күтілгендей, 66 жастағы италиялық маман Лучано Спалетти тағайындалды. Клубтың ресми сайтында жарияланған хабарға сәйкес, бапкермен келісімшарт 2026 жылдың ортасына дейін жасалған.

"Ювентустың" баспасөз қызметі Спалеттиді құттықтап, жаттықтырушылық қызметінде табыс тіледі. Еске сала кетейік, Лучано Спалетти соңғы бес ай бойы бапкерлік қызметін тоқтатқан еді.

Осыған дейін ол Италия ұлттық құрамасын басқарған. "Ювентус" жуырда Игор Тудормен әріптестігін аяқтаған болатын.

Қазіргі уақытта "кәрі синьора" Италия чемпионатының турнир кестесінде жетінші орынды иеленіп тұр.