Ла Лига-ның 11-турындағы кездесуде "Вильярреал" өз алаңында "Райо Вальекано" командасын қабылдап, 4:0 есебімен жеңіске жетті. Ойынның 22-минутында Жерар Морено Жорж Микаутадзенің пасынан кейін қарсылас айып алаңында допты қабылдап, қорғаушыны алдап өтіп, алыс бұрышқа дәл соққы жасады.
Доп бағанаға тиіп, қақпаға енді – 1:0. Екінші таймның 57-минутында Альберто Молейро орталықтан допты алып өтіп, қақпаның жақын бұрышына алыстан соққы жасады.
Қақпашы бұл соққыға ештеңе істей алмады – 2:0. Арада көп уақыт өтпей, Николас Пепе әдемі паспен Молейроны айып алаңына шығарып жіберді.
Молейро соққы жасаудың орнына допты Санти Комесаньяға пас берді, ал Санти қақпа сызығынан жоғары бұрышқа соққы жасады – 3:0. 65-минутта "Райо Вальекано" қорғаны тағы қателік жіберді.
Флориан Лежен допты жоғалтып алып, оны Айосе Перес иемденіп, қорғаушыдан өтіп, қақпашыны қапы қалдырды – 4:0. "Райо Вальекано" ойында бірнеше мүмкіндікке ие болды, алайда қақпашы мен бағана олардың соққыларын қайтарып жіберді.
"Вильярреал" бұл жеңістен кейін турнир кестесінде "Барселонаны" екінші орыннан ығыстырып, өз орнына көтерілді. "Райо Вальекано" болса сегізінші орынды бөлісіп тұр.
