«Челси» бас бапкері Энцо Мареска шабуылшы Жоао Педроның көптен күткен голы туралы пікір білдірді. Бразилиялық футболшы алдыңғы сегіз ойында гол соға алмаған еді.
Алайда, сенбі күні бұл сәтсіз серия аяқталды: 24 жастағы шабуылшы АПЛ аясында «Тоттенхэмге» қарсы ойында командасының жалғыз голын соқты. «Педро біз үшін ешқашан мәселе болған емес.
Оның жалғыз мәселесі – денсаулығына байланысты күн сайын жаттығуға қатыса алмады, әр матчқа 100% дайын бола алмады. Жоао гол соғуды жалғастырады.
Ол «Ливерпульге» қарсы ойында да өте жақсы болды. Енді Лиам Делап та оралды, шабуылда мүмкіндіктеріміз бұрынғыдан да артты», – деді Мареска баспасөз мәслихатында.
Еске сала кетейік, Жоао Педро өткен жазғы трансфер терезесінде «Брайтоннан» «Челсиге» 60 миллион еуродан астам қаржыға ауысып келген еді.
