Гризманн Ла Лигада 200-голын соқты

Испания чемпионатының 11-турында Мадридтің "Атлетико" командасы өз алаңында "Севильяны" 3:0 есебімен жеңді. Кездесудің соңғы голын мадридтіктердің тәжірибелі шабуылшысы Антуан Гризманн соқты.

Француз футболшысы 90-минутта гол салып, ойынға нүкте қойды. Бұл гол Гризманн үшін Ла Лигадағы мансабындағы 200-ші гол болды.

Ол тек "Атлетико" сапында ғана емес, бұған дейін "Реал Сосьедад" және "Барселона" командаларында да гол соққан болатын. Сонымен қатар, Гризманн Ла Лига тарихында 200 гол соққан бар-жоғы 11-ші ойыншы атанды.