Жексенбі күні Миланның "Интер" командасы қонақта "Веронадан" 2:1 есебімен басым түсті. Шабуылшы Маркус Тырам жарақатынан айыққанына қарамастан, тағы да "нерадзурри" ойын өтініміне енгізілген жоқ.
"Маркус дайын, бірақ ол әлі толық спорттық бабына енген жоқ. Біз оны ойынға апармауға шешім қабылдадық, себебі бәрібір оны алаңға шығармайтын едім.
Маған тек толық дайын футболшылар керек. Мен өзім де футболшы болғанмын, жарақаттар алғанмын.
Үш жаттығудан кейін алаңға шықсаңыз, жарақатты қайтадан алу қаупі өте жоғары. Мен ешқашан мұндай қателікке жол бермеймін", – деді "Интердің" баспасөз қызметіне Кристиан Киву.
Маркус Тырам соңғы рет қыркүйек айының соңында ойындарға қатысқан еді. Сәрсенбі күні "Интер" Чемпиондар Лигасы аясында "Қайратқа" қарсы ойнайды.
