Мадридтің "Реал" командасының бас бапкері Хаби Алонсо "Ливерпуль" сапындағы қызметі оның бапкерлік жолында қалыптасуында үлкен маңызға ие болғанын атап өтті. "Ливерпульдегі уақытым маған өте қатты әсер етті.
Мен Рафа Бенитеспен бес жыл жұмыс істедім және көп тәжірибе жинадым. Жоғары деңгейдегі футболдың не екенін түсіндім.
Бұл тәжірибе қазіргі қызметімде маған көмектесуде. Егер сен футболды сүйсең, "Ливерпульде" ойнағанды ұнатасың.
Бұл жылдар мені тек жақсы футболшы ғана емес, сонымен қатар жақсы бапкер де етті. Әлі күнге дейін сол кезеңнен көп нәрсені есіме аламын және олар бүгінгі күні маған көмектеседі", – деді Алонсо.
Айта кетейік, испаниялық футболшы 2004 жылдан 2009 жылға дейін "Ливерпуль" намысын қорғаған және осы командамен Чемпиондар Лигасының жеңімпазы атанған.
