Эндрик «Реал» клубынан кеткісі келеді

Бразилиялық шабуылшы Эндрик қысқы трансфер терезесінде Мадридтің "Реал" клубын тастап кетуді жоспарлап отыр. Бұл туралы Lequipe басылымы хабарлады.

Дереккөздерге сүйенсек, 19 жастағы футболшы Францияның "Лион" клубында мансабын жалғастыруға ниетті. Аталған клуб Эндрикті осы маусымның аяғына дейін жалға алу мүмкіндігін қарастыруда.

Футболшының өзі әлдеқашан "Лион" бас бапкері Паулу Фонсекемен көшу мәселесі жөнінде сөйлескен. Қазіргі уақытта Эндрик "Реалмен" жалға алу туралы келісімді талқылауда.

Эндрик өткен жылы "Реал" сапына қосылған еді, бірақ негізгі құрам ойыншысына айнала алмады. Transfermarkt мәліметтері бойынша, оның нарықтық құны 35 миллион еуро деп бағалануда.