Арсенал 1903-жылғы рекордты қайталады

УЕФА Чемпиондар лигасының жалпы кезеңінің төртінші турында Лондонның "Арсенал" командасы қонақта "Славияны" 3:0 есебімен жеңді. Қызығы, бұл жеңіс "зеңбірекшілер" үшін қатарынан сегізінші "құрғақ" жеңіс болды.

Микель Артета шәкірттері осы серияда "Славия" (3:0), "Бёрнли" (2:0), "Брайтон" (2:0), "Кристал Пэлас" (1:0), "Атлетико" (4:0), "Фулхэм" (1:0), "Вест Хэм" (2:0) және "Олимпиакос" (2:0) командаларын жеңді. Англия Премьер-лигасының баспасөз қызметінің хабарлауынша, "Арсенал" өзінің 1903 жылы орнатылған қатарынан "құрғақ" жеңістер рекордын қайталады.

Артета шәкірттерінің келесі ойыны 8-қараша күні "Сандерлендке" қарсы өтеді.