Франция құрамасының құрамы жарияланды

Бейсенбі күні Франция құрамасының қараша айындағы жиынына бас бапкер Дидье Дешам құрама сапын жариялады. "Үш түстілердің" құрамына төмендегі футболшылар шақырылды: Қақпашылар: Шевалье, Меньян, Самба; Қорғаушылар: Динь, Гюсто, Люка Эрнандес, Тео Эрнандес, Конате, Кунде, Салиба, Упамекано; Жартылай қорғаушылар: Камавинга, Канте, Коне, Олисе, Заир-Эмери; Шабуылшылар: Аклиуш, Баркола, Шерки, Экитике, Коло-Муани, Матета, Мбаппе, Нкунку.

Ағымдағы айда Франция құрамасы 2026 жылғы әлем чемпионатының іріктеу кезеңінде Украинамен (13-қараша) және Әзербайжанмен (16-қараша) кездеседі. Төрт турдан кейін Франция құрамасы өз тобында 10 ұпай жинап, көш бастап келеді.