Миланның "Интер" командасының бас бапкері Кристиан Киву Чемпиондар лигасы аясында Қазақстанның "Қайрат" командасына қарсы ойында (2:1) өз командасының ойынынан қанағаттанбағанын білдірді. "Нерадзурри" сапында алғашқы голды Лаутаро Мартинес 45-минутта соқты.
Қонақтар болса екінші тайм басында Өфри Арадтың голымен жауап қайтарды. Алаң иелері үшін шешуші голды 67-минутта Карлос Аугусто соқты.
"Мен ойыншыларды дұрыс дайындауда қателік жібердім және бұл үшін жауапкершілікті өз мойныма аламын. Бұл футболдың маңызды қырларының бірі.
Иә, біз әр үш күн сайын ойын өткізіп жатырмыз, бірақ бәрібір бұл ойында жақсырақ ойын көрсетуіміз керек еді. Чемпиондар лигасында оңай ойындар болмайды, тіпті қарсылас қағаз бетінде сізден әлсіздеу көрінсе де.
Менің міндетім – футболшыларды алаңға ынталанған және зейінін шоғырландырған күйде шығару үшін дұрыс сөз табу. Мен дайындық барысында жеткілікті еңбек етпедім," – деді Киву Sky Sport-пен сұхбатында.
"Интер" әзірге Чемпиондар лигасында жеңіліс тапқан жоқ және төрт турдан кейін 12 ұпай жинады.
