Хулиан Альварес: "Барселона" және "ПСЖ" туралы пікірлер

Мадридтің "Атлетико" командасының шабуылшысы Хулиан Альварес "Барселона" және "ПСЖ" клубтарына қызығушылық білдіріліп жатқаны туралы хабарларға өз пікірін білдірді. "Мен ештеңе білмеймін.

Испанияда менің "Барселонаға" ауысатыным туралы әңгімелер бар. "Атлетико"-мен келісімшартқа қол қойғанымда, "ПСЖ" туралы да айтылды.

Қазіргі уақытта менің бар назарым тек "Атлетико" құрамындағы ойындарға бағытталған. Маусым соңында нәтижелерді қорытындылаймыз," - деді аргентиналық футболшы France Football басылымына берген сұхбатында.

25 жастағы шабуылшының трансферлік құны 100 миллион еуро деп бағалануда. Оның Мадрид клубымен жасалған келісімшарты 2030 жылдың маусым айында аяқталады.