Берарди А Серияда рекорд орнатты

Италия чемпионатының 11-тур матчтары жалғасуда. «Сассуоло» командасы сырт алаңда «Аталантаны» ірі есеппен жеңіліске ұшыратты.

Команда ардагері Доменико Берради осы ойында екі гол соғып, осылайша А Серия үшін ерекше рекордқа қол жеткізді. Белгілі болғандай, Берради өзінің мансабы барысында сағат 12:30-да басталатын — яғни ойын күні алғашқы болып өткізілетін матчтарда жалпы 19 гол соққан.

Бұл көрсеткіш бойынша екінші орынды «Лацио» шабуылшысы Чиро Иммобиле иеленіп тұр. Италиялық журналистердің мәліметінше, Иммобиле сағат 12:30-да басталған ойындарда 14 гол соғуға қол жеткізген.