Порту жұлдызы Еуропа клубтарының назарында

Порту клубының орталық жартылай қорғаушысы Виктор Фроһольт басқа командаға ауысуы мүмкін. Бұл туралы журналист Экрем Конур хабарлады.

Ақпарат көзінің мәліметінше, 19 жастағы даниялық футболшыға Рома, Наполи, Аталанта, Брайтон, Борнмут, Аякс және РБ Лейпциг клубтары қызығушылық танытып отыр. Әңгімелерге қарағанда, Фроһольттың келісімшартын 85 миллион еуроға сатып алуға болады.

Ағымдағы маусымда Фроһольт барлық жарыстарда жалпы 17 ойынға қатысып, 2 гол соқты және 2 нәтижелі пас берді. Жартылай қорғаушының Порту клубымен жарамды келісімшарты 2030 жылдың ортасына дейін есептелген.