Кантона қазіргі футболды сынады

Бұрынғы "Манчестер Юнайтед" пен Франция құрамасының футболшысы Эрик Кантона заманауи футбол туралы өз пікірін білдірді. "Допқа арттан шабуылдар жоқ, Винни Джонстың ойындары көрінбейді, қорғаушылар қолдарын артқа қойып, пингвиндер секілді ойнайды.

Мен бір маусымда 60 гол соға алар едім", - деді Кантона The Telegraph басылымына берген сұхбатында. Эрик Кантона 1997 жылы кәсіби мансабын аяқтаған.

Франциялық шабуылшы "Манчестер Юнайтед" сапында 185 ойынға қатысып, 82 гол соққан және 63 нәтижелі пас берген. Сондай-ақ, ол "Лидс", "Марсель", "Монпелье" және басқа да командаларда ойнаған.