Бавария қорғаушысы қыста клубтан кетуі мүмкін

Баварияның оң қаптал қорғаушысы Саша Боэ қысқы трансфер терезесінде клубтан кетуі мүмкін. Бұл туралы танымал журналист Экрем Конур хабарлады.

25 жастағы француз футболшысына "Ювентус", "Монако", "Лион", "Вест Хэм", "Кристал Пэлас", "Севилья" және "Галатасарай" клубтары қызығушылық білдіруде. Ал ойыншының өзі Англия Премьер-лигасы, Ла Лига немесе Лига 1 клубтарына ауысуды жөн көруде.

Саша Боэ осы маусымда Винсент Компани басқаратынын команданың құрамында 14 ойында алаңға шығып, бір нәтижелі пас берген. Transfermarkt порталы футболшының трансферлік құнын 18 миллион евро деп бағалаған.

Футболшының келісімшарты 2028 жылдың жазы аяқталғанға дейін жарамды.