Норвегиялық жанкүйер Сан-Сирода зорлыққа ұшырады

Норвегия құрамасының жанкүйері Италия мен Норвегия арасындағы "Сан-Сиро" стадионында өткен ойында келеңсіз оқиғаға тап болды. Ойын барысында өзін нашар сезінген жанкүйер дәретханаға бағыт алды, бірақ сонда басқа бір қолайсыз жағдай орын алған.

Стадиондағы дәретханалардың тазалығына жауапты қызметкер, қыздың айтуынша, оған қатысты қылмысқа тең әрекеттер жасаған. Оған Еуропаның көптеген елдерінде жыныстық зорлық деп саналатын іс-әрекеттер орындалған.

24 жастағы жәбірленуші бұл оқиға жайлы құрбысына айтқан. Құрбысы болса жағдайды ойын кезіндегі стюардтарға жеткізген.

Стюардтар айыпталушыны табуға қол жеткізген. Қазірде ол өз айыбын мойындаудан бас тартып отыр.

Аталған оқиға бойынша полиция тергеу жұмыстарын жүргізіп жатыр, деп хабарлайды derbyderbyderby.it.