Артета неге Гвардиола командасына қосылғанын айтты

Микель Артета 2019 жылдың аяғында "Арсенал" футбол клубының бас бапкері қызметін қабылдағанға дейін үш жарым маусым бойы "Манчестер Сити" командасында Хосеп Гвардиоланың жаттықтырушылар штабында жұмыс істеген еді. Сол уақытта ол не себепті Гвардиоланың командасына қосылуға шешім қабылдағанын айтты.

"Мүмкін, біздің философиялық көзқарастарымыз бен "Барселонада" алған тәрбиеміз ұқсас болғандықтан шығар. Сонымен қатар, мен басқа адамдардан үйренуді және түрлі тәжірибелер алуды дұрыс деп санадым.

Бұл менің өмірімдегі ең дұрыс шешімдерімнің бірі болды", — деді Артета Sky Sports басылымына берген сұхбатында. "Арсенал" Англия чемпионатының 11-турынан кейін 26 ұпаймен турнирлік кестеде көшбасшы орынға ие болып отыр.