Кәлифиори: "Бұл ойын сезімдерімді дүр сілкінтті"

«Арсенал» қорғаушысы Рикардо Калафьори «Тоттенхэм» командасы үстінен 4:1 есебімен ірі жеңістен кейін өз сезімдерімен бөлісті. Итальяндық футболшы жексенбілік дербиде 92 минут бойы алаңда ойнап, «зеңбірекшілердің» сенімді жеңісіне үлкен үлес қосты.

«Ойын барысында сезген әсерлерімді сөзбен жеткізу қиын. Бұл керемет болды.

Қандай атмосфера, қандай команда, қандай ойын! Осы ішкі жігермен алға қарай жалғастырамыз», – деп жазды Калафьори өзінің әлеуметтік желідегі парақшасында.

Кездесудің қаһарманы «шпорлар» қақпасына хет-трик жасаған Эберечи Эзе болды. Сондай-ақ, Леандро Тросар да бір гол соқты.

Қонақтар тарапынан жалғыз гол Ришарлисонның орындауымен енгізілді. Аталған жеңістен кейін «Арсенал» АПЛ турнирлік кестесінде 12 турдан кейін 29 ұпаймен көш бастап тұр.

Команда екінші орында келе жатқан «Челсиден» 6 ұпай алда.