Роналдудың дисквалификация мерзімі анықталды

FIFA тәртіптік комитеті Криштиану Роналдуды бір ойыннан нақты, ал екі ойыннан шартты түрде шеттетуге шешім қабылдады. Шешімде Роналду үшін бір жылдық сынақ мерзімі белгіленгені айтылған.

Егер осы мерзімде жұлдызды шабуылшы ұқсас ереже бұзушылық жасайтын болса, шартты шектеу нақтыға айналмақ. Криштиану Роналду Португалия құрамасының алдағы ресми ойынына қатыса алады, себебі нақты шеттету мерзімінің бөлігін ол өтеп қойған.

Португалия құрамасының келесі ресми ойыны маусым айында Әлем чемпионаты аясында өтеді. Естеріңізге сала кетейік, 40 жастағы Роналду Ирландияға қарсы өткен соңғы ойында қарсылас ойыншыны шынтағы арқылы соққаны үшін бірден қызыл карточка алған еді.