Kafu Италия чемпионатын кімге тілейді

Бразилиялық бұрынғы қорғаушы Кафу, мансабы барысында “Рома” және “Милан” клубтарында ойнаған футболшы, италиялық журналистердің "Италия чемпионы кім болғанын қалайсыз?" деген сұрағына жауап берді. Қазіргі таңда оның бұрынғы командалары – "Рома" мен "Милан" бірінші орын үшін таласуда.

“Бұл туралы қазір нақты бір нәрсе айту қиын. Бұл өте қатаң бәсекелестік болады.

Менің ойымша, Скудеттоға үміткерлер тек екі командамен шектелмейді. Бірақ "Рома" чемпион болса, өте қуанышты боламын.

Клубтың әнұранын естігенде әлі де денем тітіркенеді”, – деді Кафу pianetamilan.it басылымына берген сұхбатында. Еске сала кетейік, "Рома" соңғы рет Италия чемпионы атағын 2001 жылы иеленген.