Мбаппе маусымда 21 гол соқты

Мадридтің "Реал" клубының шабуылшысы Килиан Мбаппе осы маусымда фантастикалық нәтижелер көрсетуде. Франциялық футболшы Чемпиондар Лигасы аясындағы "Олимпиакосқа" қарсы матчтың алғашқы таймында хет-трик жасады.

Осылайша, ол "Реал" сапында өткізген 18 ойында 21 гол соғып, үш рет әріптестеріне нәтижелі пас берді. Қазіргі уақытта Мбаппе Чемпиондар Лигасының сұрмергендер жарысында 8 голмен көш бастап тұр.

Сонымен қатар, ол Испания Ла Лигасының сұрмергендер тізімінде де 13 голмен бірінші орында. Франция ұлттық құрамасының капитаны "Реалға" 2024 жылдың жазында қосылған еді.