Мбаппе: Роналдудан әлі де алыстамын

Мадридтің "Реал" футбол клубының шабуылшысы Килиан Мбаппе бұрынғы клуб жұлдызы Криштиану Роналдумен салыстырулар туралы өз пікірін білдірді. Сәрсенбі күні француздық футболшы Грекияның "Олимпиакос" клубына қарсы ойында покер тіркеп, тағы бір рет "Реал" және Чемпиондар лигасы тарихындағы ең үздік сұрмергенімен салыстырылды.

"Роналду ма? "Реал" үшін ол қол жеткізген деңгейге жетуім үшін әлі ұзақ жол жүруім керек", – деді 26 жастағы шабуылшы Madrid Xtra басылымына берген сұхбатында.

Килиан Мбаппе қазіргі Чемпиондар лигасы маусымында ең үздік сұрмергендер тізімінде сенімді түрде көш бастап келеді. Ол топтық кезеңдегі бес ойында 9 гол соғуға қол жеткізген.