Марсело Роналду мен Винисиусты салыстырды

Мадридтің "Реал" клубының бұрынғы қорғаушысы Марсело Винисиус Жуниор мен Криштиану Роналду арасында таңдау жасауды сұрағанда, ол отандасы Винисиусты жоғары бағаласа да, соңында португалдық жұлдызға басымдық берді. "Винисиус керемет, бірақ Криштиану өз карьерасының ең жоғары кезеңінде мүлдем басқа деңгейде болды.

Оларды салыстыру қиын. Криштиану бәрінен жоғары", - деді Марсело Tportal басылымына берген сұхбатында.

Криштиану Роналду 2009-2018 жылдары "Реал" сапында өнер көрсетті. Бұл уақыт аралығында португал футболшысы 438 ойында 450 гол соғуға қол жеткізген.

Еске сала кетсек, сәрсенбі күні "Реал" сырт алаңда "Олимпиакосты" 4:3 есебімен жеңіп шықты. Осы ойында Килиан Мбаппе төрт гол соқты.