"Бавария" директоры жеңіліс туралы айтты

Мюнхеннің "Бавария" командасы сәрсенбі күні осы маусымдағы алғашқы жеңілісіне ұшырады. Винсент Компани басқаруындағы команда Чемпиондар лигасында "Арсеналдан" 1:3 есебімен жеңілді.

Ойыннан кейін мюнхендік клубтың бас директоры Ян-Кристиан Дризен мәлімдеме жасады. "Аздап ізденіп, кейбір ұмытылған жағымсыз сәттерді еске алдым.

Біз соңғы рет 144 күн бұрын Клубтар арасындағы Әлем чемпионатында ПСЖ-дан жеңілген екенбіз. Соңғы 18 ойынның 17-сінде жеңіс, біреуінде тең нәтиже тіркелген.

Біз жеңіске үйреніп қалғанбыз, сондықтан жеңілісті қабылдау қиын. Бүгін кейбіреулер: "Плей-офф кезеңінде емес, дәл қазір жеңілгеніміз дұрыс," - деді. Бұл пікірде логика бар," – деп Goal порталы Дризеннің сөзін келтіреді.

"Бавария" келесі кездесуін 29 қарашада Германия чемпионатында "Санкт-Паули" командасына қарсы өткізеді.