Қараша айының Ла Лигадағы үздік бапкері анықталды

Испанияда қараша айында Ла Лигада үздік бапкерді анықтау бойынша дауыс беру аяқталды. Нәтижесінде "Вильярреал" клубын жаттықтыратын Марселино Гарсия Тораль жеңімпаз деп танылды.

60 жастағы испандық маман "Барселонаның" бас бапкері Ханс-Дитер Флик пен Мадридтің "Атлетико" командасының жетекшісі Диего Симеонені артта қалдырды. Өткен айда Марселино жетекшілігіндегі команда төрт жеңіске қол жеткізді.

"Вильярреал" "Райо Вальекано" командасын (4:0), "Эспаньолды" (2:0), "Мальорка" клубын (2:1) және "Реал Сосьедадты" (3:2) жеңді. 14 турдан кейін "Вильярреал" 32 ұпаймен турнир кестесінде үшінші орынды иеленіп тұр.