Рафинья ауыстыруды неге талап еткенін түсіндірді

Барселона клубының вингері Рафинья Диас командасының Мадридтің Атлетико клубына қарсы 3:1 есебімен жеңісінен кейін сұхбат берді. Бразилиялық футболшы командасының алғашқы голын 26-минутта соқты.

Алайда, 74-минутта 28 жастағы футболшыны бас бапкер Ханс-Дитер Флик алмастырды. "Физикалық жағдайым жақсы, бірақ әлі толық оңтайлы деңгейге жетпедім.

Осындай жоғары энергия талап ететін ойында шаршауды сезіндім. Сондықтан мен ауыстыруды сұрадым – менде күш қалмады.

Дәл осындай жағдайды Педри де бастан өткерді", – деді Movistar арнасына берген сұхбатында кездесудің үздік ойыншысы атағын алған Рафинья. 6 желтоқсан күні Каталония алпауыты сырт алаңда Бетиске қарсы ойнайды.