Ойыншы екінші мәрте қызыл карточка алды

Испанияның Ла Лигасында 15-тур ойындары басталды. Алғашқы кездесуде «Овьедо» өз алаңында «Мальорка» командасын қабылдады.

Астурия клубы бұл кездесуде жеңіске жете алмады, ал матчтың соңғы минуттарында команда капитаны әрі тәжірибелі футболшы Санти Касорла алаңнан қуылды. Қызыл карточка Касорланың мансабында бар болғаны екінші рет көрсетілді.

Алғаш рет ол 2015 жылдың қыркүйегінде «Арсенал» сапында «Челси» командасына қарсы ойында алаңнан қуылған болатын. Енді «Овьедо» Испания чемпионаты аясындағы келесі кездесуін 14 желтоқсан, жексенбі күні «Севильяға» қарсы өткізеді.