Симеоне "Атлетико" жеңілісіне пікір білдірді

Мадридтің "Атлетико" командасының бас жаттықтырушысы Диего Симеоне "Атлетик" Бильбаоға қарсы ойындағы жеңілістен (0:1) өз пікірін білдірді. "Матрасшылар" Ла Лига 16-туры аясында өткен қонақтағы кездесуде 85-минутта гол өткізіп алып, жеңіліске ұшырады.

Турнир кестесінде көш бастап тұрған "Барселонадан" айырмашылық 9 ұпайға жетті. "Бізде нақты гол соғуға мүмкіндіктер болды, бірақ ойын қарсыластың сценариі бойынша өтті.

Ең мықты командаларды қоспағанда, дерлік барлық клубтар қонақта қиындықтарға кезігеді", – деді Симеоне журналистерге берген сұхбатында. 9 желтоқсан күні "Атлетико" Чемпиондар Лигасы аясында Нидерландтың PSV командасына қарсы қонақта кездесу өткізеді.