Гана Ресеймен жолдастық матч өткізуі мүмкін

Гана құрамасы Ресей ұлттық құрамасымен жолдастық кездесу өткізуі мүмкін. Бұл туралы Гананың Ресейдегі елшісі Стеем Джеху-Аппиях мәлім етті.

"Гана құрамасы үшін Ресейге қарсы ойын қызықты болар еді. Меніңше, бұл мүмкін.

Ресейдің керемет командасы бар. Мысалы, бұл ойынды Спартак стадионында өткізуге болар еді", – деді елші "Спорт-Экспресс" басылымына берген сұхбатында.

Еске салайық, Ресей құрамасы FIFA мен UEFA-ның бірлескен шешіміне сәйкес халықаралық турнирлерге қатысудан шеттетілген. Соңғы жолдастық кездесуде Валерий Карпин басқаратын Ресей құрамасы өз алаңында Чили құрамасынан 0:2 есебімен жеңіліп қалған еді.