Куртуа жеңілістен кейін пікір білдірді

Мадридтің "Реал" командасы Ла Лига 16-турында «Сантьяго Бернабеу» стадионында «Сельтаға» қарсы алаңға шығып, 0:2 есебімен жеңіліске ұшырады. Екі голдың авторы «Сельта» футболшысы Виллиот Сведберг болды.

"Оқиғаларға қатты ренжідім. Біз өзімізді қолға алуымыз керек.

Бұл шағым айту уақыты емес, дұрыс қорытынды шығаруымыз қажет," — деп жазды Тибо Куртуа ойыннан кейін өзінің әлеуметтік желісіндегі парақшасында. Бельгиялық қақпашы "Реал" қақпасына бағытталған 5 соққының үшеуін қайтаруға қол жеткізді.

Ойынның 64-минутында "Реал" футболшысы Фран Гарсиа алаңнан шеттетілген соң, мадридтік команда бір ойыншы аз қалды. Сонымен қатар, 92-минутта Альваро Каррейрас та қызыл карточка алып, алаңды тастап кетті.