Алонсо "Манчестер Ситиге" қарсы жеңілістен кейін қызметтен босатылмайды

«Реал Мадрид» бас бапкері Хаби Алонсо Чемпиондар лигасының топтық кезеңінде «Манчестер Сити»-ге (1:2) қарсы өткен матчтағы жеңіліске қарамастан, өз қызметінде қалады. Бұл туралы Sky Sports журналисі Патрик Бергер хабарлады.

Аталған мәліметке сәйкес, Алонсо 14 желтоқсанда «Алавес»-ке қарсы Ла Лига матчында да командасын басқаруды жалғастырады. Бұған дейін, мадридтік команда «Сити»-ден жеңілген жағдайда Алонсо қызметінен кетуі мүмкін деген ақпараттар таралған болатын.

Жағдайға келсек, қазіргі кезде «Реал Мадрид» Испания чемпионатында 36 ұпаймен екінші орынды иеленіп тұр, олар көшбасшы «Барселона»-дан 4 ұпайға артта келеді.

Алонсо командамен бірге жұмысын одан әрі табысты ұйымдастыруға және алдағы ойындарда нәтижеге қол жеткізуге ұмтылуда. Футболшыларымен бірге алдағы кезеңдерде күтілетін нәтижеге жетуге деген сенім барлығында бар.