"Реал Мадрид" Камавинганы 100 млн еуроға сатуы мүмкін

Франциялық жартылай қорғаушы Эдуардо Камавинга Мадридтің «Реал» клубынан кетуі мүмкін. Defensa Central мәліметіне сәйкес, «патшалық клуб» 23 жастағы футболшы бойынша келіп түскен ұсыныстарды қарастыруға дайын.

Мәлімдемеге қарағанда, «Реал» Камавинга трансферінен шамамен 100 миллион еуро табыс түсіруді жоспарлап отыр. Франциялық футболшының сатылымынан түскен қаражат команда құрамының жартылай қорғаушылар қатарын күшейтуге жаңа ойыншылар сатып алуға бағытталатыны айтылуда.

Камавингамен қоштасу ықтималдығының негізгі себебі ретінде ойыншының жарақаттарға бейімдігі аталып отыр. Ағымдағы маусымда ол «Реал» сапында 15 кездесуге қатысқан, 2 гол соғып, 1 нәтижелі пас берген.