"Ювентус" Маккенниге байланысты жоспарларын өзгертті

“Ювентус” жартылай қорғаушысы Уэстон Маккенни клубпен жаңа келісімшартқа қол қоюы мүмкін. 27 жастағы футболшының қазіргі келісімі маусым соңында аяқталады.

Бірнеше ай бұрын оның командадан жақын арада кетуі дерлік анық көрінген еді. La Stampa басылымының хабарлауынша, клуб жоспарларын күрт өзгертіп, енді екі тарап еңбек келісімін ұзартуға мүдделі болып отыр.

Ағымдағы маусымда Маккенни “кәрі ханым” сапында 21 ойынға қатысып, 2 гол соқты және 2 нәтижелі пас берді. Transfermarkt мәліметі бойынша, америкалық жартылай қорғаушының трансферлік құны 22 миллион еуроны құрайды.