"Атлетико" Маркус Рэшфордты қатарға қосуға қызығушылық танытуда

Шабуылшы Маркус Рэшфорд келісімшарт мерзімі аяқталғаннан кейін де "Барселонада" қалғысы келеді. Алайда каталондықтардың қаржылық мәселелері ағылшын футболшысын "Манчестер Юнайтедтен" толық сатып алу үдерісін қиындатуы мүмкін.

Сонымен бірге, Ла Лигадағы тағы бір ірі клуб та жағдайды бақылауда ұстап отыр. Transfer News Live басылымы El Nacional дерегіне сүйеніп хабарлауынша, 28 жастағы Рэшфордқа қатысты трансферлік сұраумен "Атлетико Мадрид" клубы да шығуы ықтимал.

2025/2026 маусымында Маркус Рэшфорд 23 матчқа қатысып, 7 гол соқты және 11 нәтижелі пас берді. Transfermarkt порталы шабуылшыны 40 миллион еуроға бағалап отыр.