Виктор Гйокереш алты ойыннан кейін «Арсенал» құрамында гол соқты

«Арсенал» шабуылшысы Виктор Гёкереш АПЛ-дің 17-тур аясында «Эвертонға» қарсы ойында есеп ашты. Швед футболшысы бірінші таймның 27-минутында белгіленген пенальтиді сәтті орындап, командасын алға шығарды.

Бұл гол Гёкереш үшін Лондон клубындағы соңғы алты кездесудегі алғашқы нәтижелі әрекеті болды. Ол бұған дейін 1 қараша күні Англия чемпионатында «Бернли» қақпасына гол соққан.

Ағымдағы маусымда АПЛ-да Гёкереш 15 ойын өткізіп, 5 голдың авторы атанып отыр. «Эвертон» – «Арсенал» кездесуінде әзірге екінші тайм жалғасуда, қонақтар 1:0 есебімен алда.