Гвардиола Премьер-Лигадағы чемпиондық бәсеке туралы не айтты?

«Манчестер Ситидің» бас бапкері Пеп Гвардиола Англия чемпионаты үшін күрес қызып жатқан тұста өз командасының қазіргі жағдайы мен мақсаттары туралы өз ойын білдірді.

Белгілі болғандай, «қалалық» қазір премьер-лига кестесінде көшбасшы «Арсеналдан» екі ұпайға қалып, екінші орында тұр. Алайда Гвардиола бұл жағдайды трагедия ретінде қабылдамайтынын ашық айтты.

"Әрине, мен барлығынан 10 ұпай алда болғым келеді. Бірақ қазір шындық. "Арсенал" өте жоғары деңгейде ойнап жатыр, мұны мойындауымыз керек. Осыған қарамастан, біз чемпиондық бәсекеден тыс қалған жоқпыз. Желтоқсанның соңы ғана, маусым өте ұзақ", - деді маман.

Сондай-ақ испандық бапкер команданың барлық майданда бәсекеге қабілетті екенін баса айтты. Оның айтуынша, «Манчестер Сити» де Чемпиондар лигасында жоғары орындар үшін күресіп жатыр, Лига кубогының жартылай финалына шықты және жақын арада Англия кубогындағы сапарын бастайды.

"Ең бастысы, негізгі ойыншыларымыз бірте-бірте командаға оралуда. Сондықтан біз асықпай, қадамдап алға жылжи береміз", - деп түйіндеді Гвардиола.

Бұл мәлімдеме «Манчестер Сити» маусымның соңына дейін чемпиондыққа елеулі үміткер болып қала беретінін тағы да растайды.