Transfermarkt ең қымбат қорғаушыларды атады

Transfermarkt порталы әлем футболындағы ең қымбат қорғаушылардың жаңа рейтингін жариялады. Соған сәйкес, қазір «Арсеналдың» орталық қорғаушысы Вильям Салиба бәсекелестерін басып озып, 1-орынға шықты. 24 жастағы француз футболшысының нарықтық бағасы 90 млн еуроға тең.

Екінші орында «Барселонаның» 18 жастағы таланты Пау Кубарси тіркелді — 80 млн еуро.

Үшінші орын «Интердің» тірегі Алессандро Бастониге бұйырды: 26 жастағы қорғаушының трансферлік құны да 80 млн еуро деп көрсетілген.

Қысқасы, қорғаушылар да «алтынға» айналған кезең: Салиба — төбеде, ал Кубарси 18 жасында-ақ жоғары бағасымен сенсация жасап отыр. Айтпақшы, Transfermarkt бұған дейін Джанлуиджи Доннарумманы ең қымбат қақпашы ретінде де жариялаған еді.