Нигерия Алжирді жеңіп, Африка кубогының жартылай финалына шықты

Африка Ұлттар кубогының ширек финалындағы кезекті ойында Нигерия құрамасы Алжирді 2:0 есебімен жеңіп, жартылай финалға жолдама алды. Нигериялық футболшылар өте сәтті ойын көрсетіп, енді оларды Марокко құрамасы күтіп тұр.

Бүгінгі кездесуде 47-минутта Виктор Осимхен гол соғып, командасын алға шығарды, ал 57-минутта Акор Адамс қарсылас қақпасын дәл көздеді. Бұл голдар Нигерияның жеңісінде шешуші болды.

Африка Ұлттар кубогы. Ширек финал

Алжир – Нигерия 0:2

Голдар: Осимхен 47’, Адамс 57’

Айта кетейік, Нигерия плей-офф кезеңінде Мозамбикті 4:0 есебімен жеңген еді. Алжир болса Конгоны 1:0 есебімен ұтып, осы кезеңге сәтті өтті.

Осылайша, нигериялықтар жартылай финалдың үшінші қатысушысы атанды. 14 қаңтарда олар финалға шығу үшін Мароккомен кездеседі.