Ла Лиганың 20-турында Мадридтің «Реал» клубы өз алаңында «Левантені» қабылдап, кездесу «корольдік клубтың» пайдасына аяқталды. Ойын барысында алаң иелері допты көбірек бақылауда ұстап, жылдам шабуылдар арқылы қарсылас қорғанысын бұзып өтуге ұмтылды.
Есеп екінші таймда ашылды. 58-минутта «Реалдың» шабуылшысы Килиан Мбаппе пенальтиден салқынқандылықпен соққы жасап, командасын алға шығарды. Көп ұзамай, 65-минутта Рауль Асенсио гол соғып, басымдықты нығайтып, ойынды «Реал» үшін одан әрі қолайлы етті.
Осылайша, «Реал» 20 матчтан кейін 48 ұпай жинап, Ла Лига турнир кестесінде екінші орында келеді. Ал «Леванте» 19 ойыннан соң 14 ұпаймен 19-орында қалып отыр.
Ла Лига. 20-тур
«Реал» — «Леванте» 2:0
Голдар: Мбаппе 58 (пен.), Асенсио 65
«Реал» — Куртуа, Вальверде, Асенсио, Хейсен (Себальос, 61), Каррерас. Чуамени, Камавинга (Гюлер, 46), Гонсало Гарсия, Беллингем, Мбаппе, Винисиус.
“Zamin”-ді Telegram-нан оқыңыз!
